أخر الأخبار :

0

كتب –عمرو اللبودى

وجهت الإعلامية هنا جمال رسالة شديدة اللهجة لنائب البرلمان عن دائرة المنيل القديم، قائلة إن "أهالي المنيل القديم مسؤولين من حضرتك، وهما اختاروك علشان مطالبهم البسيطة، علشان يقدروا يعيشوا في مكان نظيف، وحياة آدمية، هما حاليًا بيشتكوا من طفح المجاري، واختلاطها بمياه الشرب، ودي مشكلة بسيطة تقدر تحلها، ياريت توصّل صوتهم للمجلس وتقول إن الدايرة بتاعتي فيها مشاكل".



وأضافت "هنا" خلال حلقة برنامج "هنا والناس" على شاشة "correct": "يا سيادة النائب دايرتك فيها مشاكل كتير أوي، وهما انتخبوك وأعطوك صوتهم، أملا في تحسن أحوالهم المعيشية، ياريت تبص على الدايرة بتاعتك، علشان ربنا هيسألك عنهم يوم القيامة".



وشكى عدد من المواطنين، خلال تقرير ميداني تضمنته الحلقة، من تهالك شبكة الصرف أسفل شوارع المنيل القديم، ما يهدد بانهيار منازلهم في أي وقت بسبب تراكم المياه تحتها، معربين عن استيائهم من تجاهل عضوي البرلمان مشكلتهم، وعدم تجاوبهما مع مطالبهم، قائلين: "إحنا بنشرب مياه صرف صحي".



فيديو الخبر الأول:

إرسال تعليق

 
Top