Top Ad unit 728 × 90

اخر الاخبار

مباشر

إِسمعنى ياابنى وخَد منى


بقلم / مجدى سليمان

نصيحة لله ومش هاكررها ... البلد دى أحسن من غيرها ولو شوفت أحسن منها عرفنى وباردو مش هاسيبها لحد يدمرها .. مصر ولادة بالخير بس إحنا مش واخدين بالنا أو عاملين مش واخدين بالنا .


مصر لن تكون أقوى دولة برئيس او حكومة ... ماتنتظرش منهم اى حاجة ما دمت انت واخوك قاعدين تعيطوا على الحال

قوم ياابنى وقول لا للظلم والفساد واشتغل وفرجهم على شغلك التمام .. وقتها بس البلد هتعرف قيمتك مش بس بالشعارات والكلمتين المخفوظين .. لكن بالعمل والجد والاجتهاد .. ووقتها كمان هتعرف قيمة بلدك صح لان مصر فعلا جميلة وعمرها ماهتقولك امشى .
حكومة مصر نداء عاجل .. اعملوا حاجة للشباب البائس اللى عايز يهاجر بأى طريقة . هتقولوا فى اسكان جماعى ووظايف مرتباتها ملاليم . هقولك مش هو دا مطلب الشباب ..
مطلب الشباب ياسادة هو العدل .. يعنى يتوظف وكيل نيابة مادام متفوق فى الحقوق وبقى الاول فى دفعته مش عشان والده ظابط ولا نائب عام ولا قاضى .. ياخد مرتب بالالف مش ملاليم زايه زاى القاضى والظابط والوزير .. العدل فى اى شىء هايخللى شبابنا تحب البلد وتشجع كل حاجة فيها .

اسمع منى ياابنى البلد دى احسن من غيرها فعلا مش كلام ولا شعارات . خد مكان المستثمر الاجنبى واشتغل مكانه وهو يروح بلده يشتغل فيها .. اصحى بدرى واخرج من بيتك واسعى وخالليك عارف ان ربنا وحده اللى معاك مش حد تانى ؟
إِسمعنى ياابنى وخَد منى مراجعة بواسطة شبكة مباشر في 7/28/2016 05:29:00 م تقييم: 5

ليست هناك تعليقات:

جميع الحقوق محفوظة لـ شبكة مباشر الإخبارية © 2015 - 2016
Powered By MegaMarketingEG, Designed by شبكة مباشر
" الآراء الواردة في المقالات لا تمثل رأي شبكة مباشر بالضرورة ، ويتحمل الكاتب جميع التبعات القانونية المترتبة عليه ."
يتم التشغيل بواسطة Blogger.