Top Ad unit 728 × 90

اخر الاخبار

مباشر

"رشا سامي العدل " الى سامي العدل وحشتني "

كتبت راندا ماجد

نشرت "رشا سامي العدل" ابنة الفنان الراحل "سامي العدل" امبراطور الفن رجل صنع من السينما فن يستمتع به الملايين ،جعل له رصيد فني وانساني يجعل الملايين تترحم عليه طوال عمرهم فهو مبدع كانسان قبل ان يكون فنان ،اطلق عليه الفنانين ابي الروحاني واطلق عليه جمهوره بدونه السينما والدراما تفقد اهم مايميزها واطلق عليه البعض اخر الرجال المحترمون ، فهو فنان بمعنى الكلمة مبدع وطيب فهو كان يساعد الفنانين الصاعدين ويجعل منهم نجوم يتحدث عنهم اجيال ، رجل بحنيته وطيبته وفنه عشقه جمهوره ويشتاق اليه وكأنه فقد والديه .
نشرت "رشا"الصور معلقة عليها"
وحشتنى رسايلك ليا لما كنت بغيب عنك او اسافر وحشنى هزارنا مع بعض و دلعنا لبعض و كمان لكا كنا نناقر في بعض و نغلس على بعض وحشنى لما كنت بعاملك على انك ابنى و اخدك في حضنى وحشنى حضنك و لمسة ايدك على كتفي و انت بتضمنى ليك و تحسسنى بأمان و ان الدنيا بخير وحشتنى ملامحك و وحشنى الطفل اللى جواك وحشنى زعيقك و شخطك فينا وحشنى صوتك اللى كنت لما اسمعه من تليفزيون و انا في اى مكان اتخض و ابص ورايا وحشتنى ضحكتك و نكتك وحشنى حسك اللى كان مالى عليا دنيتى ...
ماقدرتش اتفرج على مسلسلات رمضان السنة دى و لا اجى جمب التلفزيون ، أصل انت ماكنتش فيهم و انا اتعودت يا نتفرج سوا يا تكلمنى تسألنى رأيى و اتعودت اول يوم ومضان و كل عزومه فيه نتفرج كلنا معاك لما بيكون ميعاد عرض مسلسل ليك بعد الفطار ... ممكن الناس تنساك او تتناساك بس ان عمرى ما هاقدر انسي روحى اللى سبب حياتى دلوقتى
كان نفسي تكون معايا دلوقتى و تشوف ولادك و احفادك هاتكون فخور بيهم اوى كل واحد من بعدك قرر يغير اسلوب حياته و يثبت ان اللى خلف ما راح ...
يا رب تكون بتنعم بالجنة و شايفنا و مبسوط بينا
زى النهاردة و بالتحديد في الوقت ده تقريباً خبر وفاتك زعل ناس كتير و انا الوحيدة اللى كنت معاك ...٧ ساعات متواصلة دموعى بتنزل لوحدها و انا ببوسك و اقرأ قرآن و صوتى محبوس و كنت حاسة انى بموت معاك زى دلوقتى احساسي صعب و انا بكتب الكلام ده بين دموع و ألم كأنى بعيش الساعات من اول و جديد.... 
ماحدش هايفهم انا كنت عاملة ازاى و لا حضر حالتى غير اول ناس شوفتها في اول ال ٧ ساعات دول Nancy Zohney اللى اغم عليها و شلوها برة و Rola Asseir اللى ماستحملتش ٣ دقايق على بعض و خرجت و مش هانسى موقفهم ابداً ....وحشتنى اوى
قاعدة بتفرج على ماتش الاهلى و الزمالك مع صحابى في دبى بلد هروبى من الواقع المر ... و طبعا زى ما كلكم عارفين انى اهلاوية متشددة متعصبة ... اول مرة من يوم ما اتولدت انى اتمنى ان الزمالك يكسب علشان اهدى الفوز لبابا في السنوية بتاعته اللى هى بكرة او بمعنى ادق كمان .... كمان ٣ ساعات و ١٨ دقيقة يا رب الزمالك يكسب و تحتفل و تفرح بيه في الجنة يا حبيبى وحشتنى..

الفاتحة
بسم الله الرحمن الرحيم
الحمد لله رب العالمين
الرحمن الرحيم
مالك يوم الدين
اياك نعبد و اياك نستعين
اهدنا الصراط المستقيم
صراط الذين انعمت عليهم 
غير المغضوب عليهم و لا الضالين
صدق الله العظيم




"رشا سامي العدل " الى سامي العدل وحشتني " مراجعة بواسطة شبكة مباشر في 7/10/2016 09:39:00 م تقييم: 5

ليست هناك تعليقات:

جميع الحقوق محفوظة لـ شبكة مباشر الإخبارية © 2015 - 2016
Powered By MegaMarketingEG, Designed by شبكة مباشر
" الآراء الواردة في المقالات لا تمثل رأي شبكة مباشر بالضرورة ، ويتحمل الكاتب جميع التبعات القانونية المترتبة عليه ."
يتم التشغيل بواسطة Blogger.