Top Ad unit 728 × 90

اخر الاخبار

مباشر

- رسالة إلي الوالي كتب/عادل أبوصيرة


كتب/عادل أبوصيرة
- صرخه إلي من ولاة الله أمرنا
- مـن مـواطـن مـصـرى حصري.ومافيناش من زعل ومش هخاف أصيح صارخا
- من فضلك أحنا تعبنا قوي وماحدش بيدفع التمن غيرنا, الشعب الغلبان المطحون علشان لقمة العيش طهق ............... خدها منى نصيحه شافيه

1- دعــك من شماعة الإخوان بقي الان لانهم في الاول والاخر هم مش كائنات أسطوريه.

2- أمنع استيراد التوافه من الخارج كأكل القطط والكلاب والشوكلاته وبنس الشعر والشيبسى والجبنه والمكرونات الملونه وسجاجيد الصلاه والبراويز والشمع وكل الحاجات اللى مش هنموت من غيرها وشوف هتوفر دولارات قد ايه؟

3- أمنع طباعه الكتب الخارجيه وأعمل كتب وزاره التعليم مثلها هترحم أهالينا وهتوفر مليارات كل عام.

4- كلنا استعداد أن نستغنى عن الكماليات ونلبس خيش و وجزم من باتا ..بس نلاقى المصانع المصريه للملابس والجلودوالغزول تشتغل وشغل نضيف كمان والله بس جرب ..بلاش نقلد الغرب في كل شيئ - أربع خمس سنين- مش كثير عشان خاطر بلدنا.

5- امنع اللعب بالسياسه بالدراع عن كل بني أدم حرامى أوأي حزب يدعي الوطنيه من ايام أحمس الاول! و تعالى على نفسك شويه وكن عبقريا فى النقطه دى بالذات.

6- اقاله جميع اللواءات اللى ماسكين كل خرم ابره فى الدوله كفايه عليهم شغل كده يستريحوا شويه بقى وخليهم يلعبوا مع أحفادهم عسكر وحراميه وعين كفاءات وهي كثييييرة جدا.

7- أحاله كل رؤساء الاحياء والمدن للمعاش المبكروكذلك المناصب الكبيره وعين شباب معروف عنهم الشرف اكيد هتلاقى حبه شرفاء لسه موجودين فى البلد ومنسيين أكيد يعنى.

8- اى فلوس تبرعات تجمع لأى صندوق يتعمل بيها مشروع حى قدام عنينا أول بأول نشوفه

9- ايقاف نزيف المليارات اللى بيلهفها استشاريوا المصالح الحكوميه - اللى عاوز يشوربسلامته علينا ببلاش - يتفضل واللى مش عاوز يتنيل يقعد فى بيتهم كده كده شورتهم بتبقى سوده كحل.

10- غلق كل قنوات العهر والرقص وإعلانات الجنس والشعوذه و لو عاوز تقبض على أصحابها ومذيعيها بتهمه النصب او نشر الفسوق يبقي كويس وتبقي ارحتنا من وجوههم.

11- لم شركات الإنتاج السينمائي والفنى مع السيناريست والمؤلفين والموسيقين المحترمين وضع خطه للنهوض بالفن والذوق العام الذي دفن من عهود.. ودى أهم نقطه يمكن أهم من قناه السويس بالتفريعه بتاعتها.

12- تعيين وزير ثقافه مثقف.

13- جنودنا ما يدخلوش البلد يمسحوا مياه ولا يسلكوا بلاعات ولا يكرعوا الاطفال الصغيره بعد ما يرضعوا! الجيش فى ثكناته والحاجات دى ليها ناسها بس اختارهم صح مرة لله.

14- أي وزيريثبت أنه فاشل يخرج من الوزارة بحصيرةعلي ليمان طرة,وليس علي منصب آخرفي وزارة أخري.

15- علي كل رجل أعمال بالامر إنشاء مصنعين منتجين لسلع أستراتيجيه وليست استهلاكيه فى محافظتين مختلفين مقابل الارض واعفاء ضريبى واعلانات مجانيه.

16- والنبي اللى يسرق يتحاسب واللى يتسبب فى كوارث نتيجه إهمال يتحاسب.

17- أسمع للشباب المتخصصين والدارسين للنهوض بكل قطاع من قطاعات الدوله وياحبذا ذو الكفاءات وهم كثر هتسمع منهم اقتراحات وحلول سحريه للنهوض بالقطاع,ليه بقي عشان موضوع الدهن فى العتاقى دة فى الفراخ والبط فقط....بس خلاص
- رسالة إلي الوالي كتب/عادل أبوصيرة مراجعة بواسطة عمرو اللبودى في 8/22/2016 06:05:00 ص تقييم: 5

ليست هناك تعليقات:

جميع الحقوق محفوظة لـ شبكة مباشر الإخبارية © 2015 - 2016
Powered By MegaMarketingEG, Designed by شبكة مباشر
" الآراء الواردة في المقالات لا تمثل رأي شبكة مباشر بالضرورة ، ويتحمل الكاتب جميع التبعات القانونية المترتبة عليه ."
يتم التشغيل بواسطة Blogger.