0

بقلم / محمــــود جنــــــيدى

امبارح كتبت مقالى الثابت ( ياخسارة يابلد ) عن مركب الموت فى رشيد واللى غرقوا فيها .. ياريت حضراتكم مشكورين تشرفونى وتقروه .
ياخوانا مش الشباب اللى ماتوا هم اللى غرقوا ، ولا الشباب اللى غرقوا هم اللى ماتوا ، لالالالالالالا ، مش دول ولا دول .!!. 
الحكومة غرقت ، مجلس " النوايب " غرق ، الأهالى غرقوا .
فقر ايه ياناس اللى يخلينى ابعت ابنى الطفل ( 12 سنة ) عشان يركب البحر مع مجهولين ميعرفهومش ولا يعرفوه .؟؟. 
طب اهل الطفل ده عارفين هو رايح فين او رايح لمين .؟. طب هم شافوه او حضروه وهو بيركب واطمنوا عليه ركب فعلا والا وقع وهو بيركب عشان ياعينى لسة طفل مش عارف يركب من الزحمة فى وسط الكبار .؟؟. فقر ايه .؟؟.
فقر ايه اللى يخلينى أحط قلبى تحت رجلين آدميتى وأسلّم طفلى لبشر ليسوا كالبشر ، فيسلموه بغدر ووحشية لغدر ووحشية البحر ، اللى يسلمه للموت فى أبشع صوره .؟؟. فقر ايه ياناس .؟. ليه ماتت فينا النخوة وليه مات الاحساس .؟؟. 
دانا لو لميت من على كل باب لقمة حاشبع واولادى حيشبعوا .!. بس ده لو كان الهم جوع بس ، لو كانت المشكلة جوع بس .. لكن للأسف ، ده جشع .. أقذر أنواع الطمع وحب المال حتى لو كان التمن ابنى ، ضنايا .
لست قاسيا .. استغفر الله وأعوذ به من قلب قاس .. لكنى بشر .. أب ..كلنا غرقنا وأذنبنا .. أهالى الضحايا أذنبوا .. احنا كمواطنين أذنبنا .. مجلس " النوايب " أذنب .. الحكومة أذنبت وأذنبت ..
والله والله والله كلنا مذنبوووووون ..

إرسال تعليق

 
Top