أخر الأخبار :

0
كتب/عادل أبوصيرة
- أحساس عالي من مصري يذوب عشقا في هذا البلد التي ضنت علي ناسها بأبسط حقوقه
* اروح لمين اشتكى وادعى على الظالمين.............اللى معاهم كنوز ومكنزين ملاين
* يانايمين فى العسل واسمكم نا يببين؟؟؟.............عينى رات أرمله عاجزة فوق السبعين
* مالهاش سند ولا ولد ولا حد قالها لافين ؟؟..........مرميه فى البردودموعها على الخدين
*الارض فرشتها وممتلكتها يا دوب قفصين ....عاجزة ومريضة وملهاش فى الدنيا حد معين
* غير هدمتين دايبين وعكازين تا لفين........ صعبت عليه قوام روحت اشتريت رغفين
* مديت ايديه ليها لاجل اعطيها الرغفين.......قلت لى يستر طريقك وبكت بدمع حزين
* وقالت خلاص معدتى ماتت بفالها سنين.....زى مماتت قلوب بدون شفقه ما تعرف دين!!
* الكبد عندى تلف والسكر دا زادنى انين ....واخويا راجل فقير اولاده سبعه وحاله حزين
* ان باتوا يوم شبعانين اسبوع يباتوا جعانين .....نفسى فى مخده وغطاومكان يكون لى امين 
* يا اهل المرؤه يا اهل البر والاحسان......الصاحى منكم يصحى النايم النعسان
* اوروبا عملت اماكن للرفق با الحيوان ........والست دى مشكلتها مشكلة انسان 
* الاف كتير زيها فى الطل بات عريان.....بدون رعايه ودون شفقه ودون احسان
* بيقولوا قال أيه فيه برلمان...... يا ميت وكسه على اللى خان
* رفعت ايدى لرب الكون وداعيته......يجيب حقوق الغلابه من كل ظالم خان
---- كلمات شاعرنا الكبير / شوقى عبد العظيم - شاعر المداحين


إرسال تعليق

 
Top