Top Ad unit 728 × 90

اخر الاخبار

مباشر

النهارده يومك انت والا يوم مصر .؟؟.


كلام / محمود جنـــــــــيدى

هو النهارده يومك انت ياسادات .؟.

والا يوم مصر كلّها .؟؟.
يعنى قصدى النهارده يوم الأم بس .؟. 
والا يبقى يوم ابنها .؟؟.
أسئلة كتيرة’ قوى بتدور فى بالى ،
وللأسف محتار فى ردها .!!.
طب الأول اعرف مين هى مصر ،
وبعدين مين هو السادات ..
ولو انى اعرف مصر كويس قوى ، وبحبها ..
باعشق ترابها ونيلها وشايل جوة قلبى شعبها ..
تحرقنى دموعها لو بكت ،
أو طلعت " آه " من قلبها ..
مش عايز استطرد قوى فى الكلام عن مصر ..
أصل مهما قلت عنها ،
حتلاقى كلام كتير متقالش لسة ..
حتلاقى نفسك بتقول وتقول ،
والكلام مخلصشى لسة ..
طب نستنى همسة ..!!..
مين بقى السادات .؟؟.
السادات ياسيدى واحد معجون من الطينة المصرية ..
من أهل الريف اللى بيخبزوا فى الفرن ،
وبياكلوا عالطبلية ..
عارف مين اللى قتل ياسين غدر وخسة قدام بهية ..
كان دمه حامى فغار على أرضه وعلى عرضه ..
حط روحه على كفه وقال يامصر انا فداكى ..
انا واللى زيى وكل ولادك مش حنستنى نداكى ..
انا جاهز ياأمى ، دمى يرويكى وجتتى زادك ..
فى أى لحظة ولأى شئ تنادينى ياأمى حتلاقينى ..
واما جاتله لحظة المشئولية ،
قال أنا لها ، وأدينى ..
عارضوه .. وحاربوه ، 
لكن شهادة لله والله ماهزوه ..
ومشى فى طريقه ..
الضلمة مالية البلد ليل ونهار والقلوب مكسورة ..
حتى الآهات من كتر الألم ،
كانت فى الحلوق محشورة ..
لكنه فى لحظة صفا مع ربنا عزم ..
قال يارب يرضيك ان شعب مصر ينهزم .؟. 
ربنا اداله النور فى قلبه ، فعزم وحسم ..
وفى الميعاد اللى أراده ربنا قال الله أكبر ..
قالوا معاه جنوده والملايكة برضه قالوا الله أكبر ..
وعبرت مصر .. 
وكان النصر ..
وقال أروح لآخر العالم ،
واقعد مع أى حد عشان ولادى ..
حطوا اديكم فى ايدى لاجل بلادكم وبلادى ..
فعارضوه ، وحاربوه ، وقالوا خاين .!!.
طب خان مين .؟. وليه .؟.
آدى احنا النهارده بنحتفل بعيد الكرامة .!!.
طب همّ بتحتفلوا بايه .؟؟.
يبقى لازم يعرفوا انه " السادات " ..
يعنى مهما قالوا عنه أنه أذنب ،
والا زى ماقالوا انه خان العرب ، 
يكفيه فخرا انه اتحمّل لوحده مسئولية العبور .!!.
ويكفيه فخرا انه عبر بجيشه أخطر الجسور .!!.
ويكفيه فخرا انه صنع حاجة اسمها " ستة أكتوبر " ..
يعنى مهما قالوا أذنب وارتكب من الخطايا والآثام :
فاعرفوا كويس قوى يا أيها اللئام :
ان السادات هو اللى خلانا نحس النهارده بالكرامة ..

عيم الادب الجنيدى
النهارده يومك انت والا يوم مصر .؟؟. مراجعة بواسطة عمرو اللبودى في 10/07/2016 02:29:00 ص تقييم: 5

ليست هناك تعليقات:

جميع الحقوق محفوظة لـ شبكة مباشر الإخبارية © 2015 - 2016
Powered By MegaMarketingEG, Designed by شبكة مباشر
" الآراء الواردة في المقالات لا تمثل رأي شبكة مباشر بالضرورة ، ويتحمل الكاتب جميع التبعات القانونية المترتبة عليه ."
يتم التشغيل بواسطة Blogger.